Puisi

Ku Malu Maluku

PUISI

Oleh: Samsudin Samal (Peserta Lomba Cipta Puisi HUT ke-77 Provinsi Maluku)


Ku tulis persaudaraan dengan detak jantungmu
Sedangkan kematian masih saja terbaca
Parang deng salawaku beta pakai
Menari-nari dalam tangisan kesedihan
Sebab parang deng salawaku dipakai menjadi perang di sela waktu

Katanya Maluku bijiruku
Potong di kuku tairis di jantong
Beta lupa tentang Pela, Ale lupa tentang Gandong
Padahal Katong ini Pela Gandong
Maluku katanya bumi raja-raja
Biking sejarah dari dara sodara

Baca JugaBerlayar ke Maluku

Padahal katong orang basudara
Maluku katanya Ale rasa beta rasa
Ale deng beta orang basudara rasa_rasa

Maluku eee ku malu Maluku
Tanah yang dulu sagu lahir dari rahim datuk-datuk
Tumbuh bersama ari-ari nene moyang
Tampa barkat turun dari langit
Dari gunung
Dari pante
Merampas kebahagian persaudaraan
Karna tak lagi barkat
Maluku harus tinggal di biji mata
Agar ose, dorang deng katong, bisa buka mata lihat Maluku

Baca Juga: Di Timur Air Mata

Acang eee ….!!!
apakah beta harus jadi pendeta
Biar Ale tau itu beta…?
Ale tau mama beta tau
Beta tau bapa Ale tau
Ale deng beta orang basudara

Obet eee …..!!
apakah beta harus jadi ustad
Biar ose bisa taat…?
Beta Pela Ale bela
Ale gandong Beta gendong

Baca Juga: Perut Arumbae

Di Maluku
Katong harus hidup bae-bae
Jang pandang ekor mata la biking seng bae
Barenti deng bakalae
Jang biking rusak lai

Beta lahir dari alif
Ale lahir dari salib
Katong beda mimbar
Mar tetap satu Amin

Baca Juga: Rumah Beta Maluku

Di negri adat
pamali su tadudu
Jadi jang baku tudu
Apalagi sampe baku bunu
Inga ……!!!
Katong harus inga
Katong cuma beda logat
bukan beda adat
Karna masi satu barkat
Maka mari kasbabunyi tifa
Mari bakar kamanyiang dalam dupa

Catatan:
Maluku tana air beta
Mari jaga,Jang kas kotor deng darah sodara
Biking saki, basu luka  deng aer mata
Maluku damai hidup Ade Kaka (Pela gandong)

Wakal 31 Januari 2021


Penulis : Redaksi
Editor : Redaksi

Berita Serupa

Lihat Juga
Close
Back to top button