Oleh: Elifas Tomix Maspaitella (Pemerhati Sosial)
“Hidop nih bisa jadi bagini tagal Antua su hentar deng jaga” (=hidup kita seperti keadaannya kini karena Tuhan menuntun/menyertai dan menjaga). “Kalu Antua seng hentar deng jaga, sio mangkali katong samua su binasa” (=jika bukan karena Tuhan menyertai dan menjaga, mungkin kita sudah binasa), “tar umur” (=tidak berumur panjang). “Jadi samua nih cuma tagal Antua bae deng mister par katong” (=jadi semuanya ini hanya karena Tuhan baik dan peduli kepada kita).
“Taong makang taong di badang, sapa bilang tar ada akang pung susah deng pait” (=hidup bertahun-tahun, siapa yang bilang tidak ada susah dan pahitnya).
“Tempo-tempo langit tarang, tempo-tempo itang la guntur kilat baku mayao di langit, mar Antua seng parnah ambel abstang dari katong” (=kadang langit cerah, kadang mendung diiringi guntur dan kilat di langit, tetapi Tuhan tidak menjauhi/mengambil jarak dari kita), “katong yang ator abstang boleh dari Antua” (=malah kita yang kadang mengatur jarak dariNya).
“Katong bimbang deng sagala rupa hal, la lupa Antua su taru sagala rupa macang par katong” (=kita bimbang dengan segala hal, dan lupa bahwa Tuhan sudah menyediakan segala sesuatu). “Hidop helahai deng keadaang, la lupa Antua su ator matahari, bulang, bintang pung jalang deng oras” (=kita bersusah hati dengan keadaan ini, dan lupa bahwa Tuhan sudah mengatur waktu dan jalannya matahari, bulan dan bintang). “Katong lalah hati deng barang upeng-upeng, la lupa kata Antua antua susung gunung deng tampong aer masing” (=kita mengeluhkan hal yang kecil-kecil, dan lupa Tuhan sudah menyusun gunung dan menampung air laut di tempatnya).
“Ande Antua tar hentar deng jaga, katong su ampas” (=seandainya Tuhan tidak menyertai dan menjaga, kita telah hancur berkeping-keping).
“Jadi cuma tagal Antua pung bae, tagal Antua pung bae sa, la katong ada sampe oras nih” (=jadi hanya karena kebaikan Tuhan, kebaikan Tuhan, maka kita ada sampai saat ini).
“Tagal itu, jang putus bilang dangke” (=karena itu jangan berhenti bilang syukur), “jang brenti angka syukur” (=jangan berhenti bersyukur). “Samua nih jadi tagal Antua hentar deng jaga“.
“Antua su hentar, Antua su jaga, jang putus bilang syukur”
Par samua Basudara Sarane, anana GPM, salamat Hari Jadi GPM yang ka dalapangpul anam lai
Mandag, tanggal anam bulang sambilang taong duaribu duapul satu (6 September 2021)
Pastori Ketua Sinode GPM Jln Kapitang Telukabessy-Ambon
Penulis : Redaksi
Editor : Redaksi
