Oleh: Elifas Tomix Maspaitella (Pemerhati Sosial)
Orang tatua deng basudara tuang hati jantong!
Sander ni kalu tar baterek antua Acim mangkali dia mati. Pagi-pagi, antua Acim ada biking ikang mangael.
Sander : eh tambong e
Acim : ha itu biar se tau, la tinggal sono tandang kaki kaeng tarus, barang bisa mangael dari kaki tampa ka dalang sempe toh
Sander : ampong dosa jua. Dunya su tarang mar tinggal inga barang galap
Acim : bukang bagitu karnikus e. Beta mau bilang ose pung muka pamalas tu
Sander : abang ni batanding. Ada jua dapa ikang tambong ni tagal mangael deng mulu ka sana mo
Acim : eh muka mancadu e. Os tar lia manara deng gagona alus tagantong di jaga lemong kompormos tu? Se bukang, dalang panggayo mau ciong testa ni
Sander : hahaha…. tua e. Kalu hati panas pagi-pagi bagini baru lia bijak. Hahahaha
Acim : ose ni kal jadi lalosi bukang, bet talang se antero-antero. Mar se cuma ikang kes yang tukang blumpa di mangge-mangge sa
Sander : suda jang talalu bamulu. Poro su babunyi sang tambor paramponang tu, pi alas poro jua
Acim : iyo ale Sander, mar di bawa Ola pung nyiru tu ada tutupola ka seng?
Sander : seng ada kapa abang, tadi macang Ola ada biking Uli kasbi
Acim : beta pi minta jua, sadap tu deng kopi sabeker
Sander : itu ka seng, di lao mangael deng mulu, di dara jua bameti deng mulu…. hahahaha
Acim : beta barang pusing apa deng se. Laki-laki muka abunawas, cuma bisa stori pono negri mar karja nol. Ola e, uli masi ada to???
(Acim langsung maso di Sander dapor par ambel uli kasbi. Hidop tu laeng musti bage bage deng laeng).
Penulis : Redaksi
Editor : Redaksi
