Seng tau kenapa Beta sampe skarang merasa bahwa di Maluku nih su jadi tradisi Karya seni & Seniman tidak dihargai selayaknya di pelosok daerah lain.
Contohnya di Kei sini beberapa Iven yang lalu lalu banyak keluhan datang dari teman teman menyangkut bayaran/ bonus hadiah yang seng sesuai dengan dong pung capek. Beta paling sesalkan hal begini karna katong sebagai pelaku seni dianggap barang habis pakai setelah itu dibuang.
Bung! Beta berani bilang Katong hidup seng akan bisa maju & berkembang kalau kamong tinggal pandang enteng jalan terus deng bahasa :
“begitu saja moo, gampang itu.. yeh, bikin barang seng masuk akal begitu tar pake, barang bodo bodoh itu saja mo.. cih, ampas! Seng usah mahal mahal apa skali o..”
Beta telinga sampe su tebal dengar bahasa bahasa begini, lalu skarang Beta mau tanya.. kira kira apa kamong bisa seperti katong? Punya kreatifitas kayak katong? Punya inovasi & ide kreatif kayak katong?
Kamong su rasa naik pentas di atas panggung tu akang rasa berat seperti apa? Kamong seng tau kalau katong nih butuh persiapan latihan, waktu, dana, keringat darah banting tulang sebelum pementasan?
Kamong itu seng tau apa apa, cuman tau saja nonton dan bilang “BEGITU SAJA BETA BISA BIKIN!” Heh, jangan melawak, belom rasa otak blank + demam panggung jadi kamong asal bicara saja bilang apa yang katong bikin tuh gampang.
Beta seng mau bertele tele, cukup kamong sadar diri dan menghargai apa itu sebuah karya seni, dan seniman itu di kemudian hari.. Peace Out.”
DARI DOLO SENI ITU MAHAL, SEMAKIN RUMIT, SEMAKIN KEREN, SEMAKIN MAHAL! KALAU MAU MURAH/GRATIS SILAHKAN BIKIN SENDIRI!
Penulis : Redaksi
Editor : Redaksi
