Su lama pane kas tingga katong
beta dengar-dengar pane su berhasil di orang pu nagri
mangkali skarang su sibuk ka? jadi su tar mau mangente katong lai
ka pane ada kasi siap sesuatu, biar pas pane bale di sini katong samua takajo haeee
Tamang, tar pulang ka?
bulang puasa su datang lai ini e
pane tar kangen lego petasan di bapa imam pu ruma?
oe, jang bekeng taong ini manto jadi manggulat lai
taong lalu beta su kasi siap satu piring, mar beta lawar-lawar pane tar muncul
Tamang, beta su kasi siap katong pu gitar
su bisa kuliling kas bangong orang saor
pane masi suka rabe mulu to? Hahahaha
Dar katong dua abis lulus SMA
dar kapal PELNI abis lapas tali
dar pane balayar kas tinga Banda
pane mu tau, Banda su paleng sunyi tarada pane pu gila-gila
jadi bagini suda, setiap hari beta cuma baku bantu deng bapa dorang kas barsih kabong
kol ada rajing lai kadang beta jaga pi batua di blakang gunung api situ
Pane ada bai-bai ka di sana?
beta doa-doa smoga pane tar susa di orang pu nagri
Tuhan lindungi tarus siang malam. Aamiin.
Tamang, tar pulang ka?
Banda Neira, 08 April 2021
Oleh: Agung Pranyoto
Pegiat literasi, penulis buku Musim Kasmaran tinggal di Banda Neira, Kepulauan Banda, Maluku Tengah.
Penulis : Redaksi
Editor : Redaksi
