Oleh: Elifas Tomix Maspaitella (Pemerhati Sosial)
Orangtatua deng basudara tuang hati jantong!
Ini antua Acim ada bembeng parang baru su gantong handok kacil malintang leher.
Sander : kabong e (bilang deng senyum tampias)
Acim : se pi cuci kaki la sono sana pi
Sander : hahhaha….. sengaja sa abang. Sadiki-sadiki dara nai lai. Parsis aer meti
Acim : ose tu, diri sa su tar klesang akang kong mau harap se kalesang orangtatua tatanamang lai?
Sander : beta kalmaring dolo laeng ada baru pi pameri mo. Pas yang sipat deng abang pung pisang pisang tu, baku sipat deng paitua Bang pung yang di kapala graf
Acim : oh iyo
Sander : jadi jang talalu basangka sasabarang. Story tu jang mulu kamuka otak. Hahahaha
Acim : iyo, ose tu pameri sakali par sataong to. La basudara laeng kalesang pohong, os makang bua
Sander : bage-bage tugas tu tua jalus e
Acim : iyo, bae. Se tau manumpang?
Sander : tau te
Acim : se tu manumpang cengke. Su ambel labe la kas mati batang. Tar rekeng satu musing lai pohong jadi kayo bakar
Sander : mo rubu te. Tar guna o? Hahahahaha
Acim : su tar tanang, la istori tar brekeng orangtatua karingat. Anana macang se ni bukang, makang par kas garser badang mar hati talang soro
Sander : hahahaa….. pi suda sana jang dusung lari…..
Acim pi kabong deng goyang-goyang kapala tagal ana Alexander pung basangaja.
Penulis : Redaksi
Editor : Redaksi
